అందని ద్రాక్ష పుల్లన

అందని ద్రాక్ష పుల్లనంటారు కానీ ఆ నక్క తాపత్రయం, కోరిక, ఆశకి సమాధానం ఇవ్వలేదు ..

ఒక కష్టమైన బాటను ఎంచుకుని,
అవాంతరాలను ఎదురుకుని

ఏదో సాధించాలని పయనం మొదలెట్టి

సమాజం  నిర్దేశించిన స్థాయికి చేరలేక
పెట్టిన అచ్చులో ఇమడలేక
ఇచ్చిన కొలతను అందుకోక
పక్కవారితో తూగలేక
ఓటమిని ఒప్పుకోక

ఈ ప్రయాణమే ఒక గమ్యం అని
నా అనుభవమే నా ఆస్తి అని

ఏడ్చే ధైర్యం లేక
ఇంకా పోరాడే సహనం లేక
ఆట ఆపే మనసు రాక

ఆఖరికి గుంపుతో కలిసిపోయి

అందని ద్రాక్ష పుల్లనలే అని సద్దుకుపోయింది ఆ నక్క ...